Tricoloteo entre Sol y Luna
En os días d'o primer Güelo, Luna y Sol bibiban en a Tierra, en as grans planetas an que abitaba o gran pueblo siux.
Como muitos atros que biben en a tierra, un buen día comenzoron a fablar y rematoron encarrañando-se.
Luna dizió:
—Yo achunto a o Pueblo, pero tu lo ixemenas. Cuan apareixes tu, os unos ban a pescar, os atros a cazar, o pueblo no ye chunto.
—Pero asinas o pueblo se fa más gran, plega en puestos an que no i eba estau enantes, por ixo los ixemeno —respondió Sol.
Pero a Luna no i yera d'acuerdo.
—Tamién tú t'aleixas, te'n bas, los albandonas en a escureldat. Y en a escureldat no pueden cazar ni pescar.
Allora, Sol parló a o Pueblo:
«Bos contemplaré dende o cobalto. Gobernaré tot o buestro treballo».
Y allora dizió a Luna:
«Tamién yo bibiré en o cobalto, ta ilumnar-bos. Bos arroclaré a l'escureixiu. Dormirez tranquilos. Caminaremos por a endrezera, la uno dezaga de l'atro. Yo guidaré os buestros pasos».
Y Luna y Sol ya no riñoron nunca más.
Testo: Koldo Izagirre
Traduccion: Dabi Lahiguera
Voz: Dabi Lahiguera
