CAMPOS ECEIZA, JUAN

Juan Campos Eceiza.
(Maite Camposek utzitako irudia).

     1934ko otsailetik udaleko kale-garbitzaile, Juan ere UGTra afiliatuta egon zen eta UHP batailoian ibili zen borrokan. 1936ko azaroan, ziurrenik gerra-frontean zegoela, Azpeitiko korporazio frankista berriak udal-langilearen kargutik kendu zuen Juan^(*).

      Itxuraz, atxilotu ostean langileen batailoian izan zen preso. 1940an gerra-kontseiluan epaitu zuten, auzia artxibatu egin zuten eta azaroaren 29an utzi zuten aske^(*).

Duesoko espetxean lur azpi batzuetan eduki zuten aita, eta marea igotzean gerritik behera uretan egoten zen.

Aitari, gorria zenez, kartzelatik atera zenean ez zioten lanik ematen Azpeitian.

Urtero, uztailaren 18a iritsitakoan, ama bere onetik irtenda egoten zela konturatzen nintzen.