69 Petri ezkaratzean jarririk zagon; neskato batek hurbildu eta erran zion:

–Hi ere Jesus galilearrarekin hintzen.

70 Bainan harek denen aitzinean ukatu zuen:

–Ez zakinat zer derasanan.

71 Ateari buruz zoala, beste neskato batek ikusi eta han zireneri erran zioten:

–Hau Nazareteko Jesusekin zen.

72 Petrik berriz ukatu zuen, zin eginez:

–Gizon hori ez dinat ezagutzen.

73 Geroxeago, han zaudenek, hurbildurik, Petriri erran zioten:

–Bai, hi ere horietarik haiz; bestenez ere heure mintzairak salatzen hau.

74 Orduan, Petri madarizioneka zin egiten hasi zen:

–Gizon hori ez dut ezagutzen.

Eta berehala kantu egin zuen oilarrak. 75 Eta Jesusen hitzaz oroitu zen Petri: «Oilarrak kantu egin aitzin, hiru aldiz ukatuko nauzu». Kanporat ateratu eta, nigar egin zuen saminki.