|
Arrotzak ekarri Israelgo erresumarat
24 Asiriako erregeak Babilon, Kut, Aba, Hamat eta Sefarbaim hirietako jendea hartu eta Samariako hirietan kokarazi zuen, israeldarren tokian  17,24 Kut: Babilonetik iparralderat zen, Eufrates ibaiaz eguzkialdean. // Hamat: Oronte ibai ondoan. // Aba eta Sefarbaim: Ez dakigu nun ziren. // israeldarren tokian: Samariarat erbesteratu zuten jendea, Asiriako erregeak menperatu beste lurraldeetakoa zen. . Jende hura, Samariaz jabeturik, hango hirietan bizi izan zen. 25 Samarian bizitzen hastean, arrotz heiek ez zuten Jauna adoratzen; orduan, Jaunak lehoinak igorri ziozkaten, jendearen hiltzeko. 26 Asiriako erregeari jakinarazi zioten, Samariako hirietarat ereman eta han kokarazi zuen jende harek ez zakiela nola adora lekuko jainkoa 17,26 lekuko jainkoa: Lurralde bakotxak bere jainkoa zuelakoan zauden. ; jainko harek lehoinak igorri eta heiek jendea hiltzen zutela, hango jainkoa nola adora ez zakitelakotz. 27 Orduan, Asiriako erregeak manatu zuen: «Igorrazue Samariarat handik erbesteratu nituen apezetarik bat; bizi dadila han eta irakats diezola jendeari leluko jainkoarem adoratzen».
28 Orduan, Samariatik erbesteratu zituzten apezetarik bat etorri zen eta Betelen bizitzen jarririk, Jauna nola adora irakasten zion jendeari.
29 Halere, jende arrotz heiek, bizi ziren hiri guzietan, nork bere jainkoen irudiak egin eta samariarrek mendixketan eraiki jauretxeetan ezarri zituzten. 30 Babilongo jendeak Sukot-Benot bere jainkoaren irudia egin zuen, Kutekoek Nergal-ena, Hamatekoek Axima-rena, 31 Abakoek Nibhaz eta Tartak-enak, Sefarbaimgoek beren jainko Adram-Melek, eta Anam-Meleken ohoretan beren seme-alabak erre ohi zituzten suan. 32 Denbora berean, Jauna ere adoratzen zuten. Kultu-lekuetako apezak izendatu zituzten beren artetik, mendixketako jauretxeetan apez-zerbitzua egin zezaten. 33 Beraz, Jauna adoratzen zuten; bainan, erbesteratu baino lehen beren jatorrizko hirietan zituzten kultuen arabera beren jainkoak ere adoratzen zituzten.
Israel lurraldeko erlisione egoera
34 Gaurdaino beren ohidura zaharra atxiki dute; ez dute zinez adoratzen Jauna, ez dituzte betetzen haren irakaspenak eta arauak; ez dute jokatzen Jaunak Jakoben ondokoeri eman lege eta manamenduen arabera –Jakobi Jaunak Israel ezarri zion izena–. 35 Jaunak heiekin zuen egin elkargoa 17,35 elkargoa: 15,35-39an, elkargoko arauak aipatzean, Dt.ko formulak derabiltza idazleak. eta heieri zioten manamendu hau eman: «Ez duzue beste jainkorik adoratuko; ez zirezte halakoen aitzinean ahuspekatuko. Ez diozuete kulturik emanen, ez oparirik eskainiko. 36 Indar handiz eta beso ahaltsuz Egiptotik ateratu zintuzten Jauna adoratuko duzue eta haren aitzinean ahuspekatuko zirezte; hari eskainiko diozkazue opariak. 37 Egunoro bete behar dituzue harek zuentzat idatzi dituen arau, erabaki, lege eta manamenduak. Eta ez duzue beste jainkorik adoratuko. 38 Ez ahantz zuekin egin zuen elkargoa. Ez duzue beste jainkorik adoratuko. 39 Jauna zuen Jainkoa adoratuko duzue eta harek libratuko zaituzte etsai guzien eskuetarik».
40 Heiek, ordea, ez zuten entzun; alderantziz, lehengo beren ohidura atxiki zuten. 41 Jende harek, beraz, Jauna adoratzen zuen, bai; bainan bere sasijainkoeri ere kultua emaiten zioten. Eta arbasoek bezala egiten dute seme-alabek eta hauen ondokoek ere, gaurdaino .
|
