eu | es
Kasu ugarietako bat
CASIANA ECHANIZ ARRIZABALAGA eta LUIS, CARMELO, CARMEN eta IMANOL LOINAZ ECHANIZ seme-alabak

      Lau seme-alaba adingabeekin batera bota zuten Casiana Azpeititik 1937ko otsailean, Emilio Gomez del Villar komandante militarraren aginduz. Aurretik, 1936ko urrian, Azpeitiko Junta de Guerra Carlista delakoak 500 pezeta-ko isuna jarria zion. Nafarroako Ollakarizketa herrira joan ziren, familiako bat bizi zen herrira, hain zuzen ere. Astebetez egon zen Carmen herri hartan, eta Luis eta Carmelo, berriz, bi astez, eta Casiana eta seme gazteena, Imanol, hilabetez. Bitartean, Casianaren senarra, Carmelo, eta seme zaharrena, Jose, erbestera joan ziren. Filipinetan amaitu zuten azkenean. Antoniok (beste seme bat) langileen batailoi batean amaitu zuen gatibu, Loyola batailoiarekin borrokan ibili ondoren(*).

Casiana Echaniz Arrizabalagaren aurkako erbesteratze-agindua.
(Hemendik ateratako irudia: LOINAZ, A.: Nire Oroitzapenak).


[Emakumeen aurkako errepresioa — Kasu gehiago irakurri]
Lekukotza bat

Iritsi zirenerako gizona hila omen zegoen, fusilatu egin zuten. Medikua ote zen zioten.

Errentero denak karlista egin zituzten, bestela ez zieten uzten eta errentan jarraitzen.

Andre «gorrienak», senarra gerran edo hilda zutenak, Lazaretora ekartzen omen zituzten.

 

[Begoña Errasti Odriozola — Lekukotza osorik irakurri]
[Beste lekukotzak]